Af hverju er línudans frábær hreyfing eftir fimmtugt?

Þegar komið er fram yfir fimmtugt velta margir því fyrir sér hvernig þeir geti haldið sér virkum, bætt heilsuna og um leið gert eitthvað skemmtilegt. Sumir fara að ganga meira, aðrir fara í ræktina og margir leita að einhverju sem sameinar hreyfingu, félagslíf og almenna gleði.

Þar kemur línudans sterkur inn og er frábær hreyfing eftir fimmtugt

Sífellt fleiri rannsóknir sýna fram á að dans er ekki aðeins góð hreyfing fyrir líkamann heldur einnig ein áhrifamesta hreyfing sem fólk getur stundað fyrir heilann. Þegar við dönsum erum við ekki bara að hreyfa okkur. Við erum að læra, leggja eitthvað á minnið, einbeita okkur, hlusta á tónlist og eiga samskipti við annað fólk – allt á sama tíma.

Þess vegna verður línudans uppáhalds áhugamál margra eftir fimmtugt.

Öflug líkamsrækt dulbúin sem skemmtun

Ein helsta ástæða þess að fólk heldur áfram í línudansi ár eftir ár er sú að hreyfingin verður hluti af skemmtuninni.

Í stað þess að telja mínútur á hlaupabretti eða fylgjast með klukkunni í ræktinni ertu að hlusta á tónlist, læra ný spor og dansa með öðrum. Áður en þú veist af er kennslustundin búin og þú hefur hreyft þig töluvert meira en þú áttaðir þig á.

Margir sem byrja í línudansi segja að þeir hafi loksins fundið hreyfingu sem þeir hlakka til að mæta í.

Línudans styrkir jafnvægi og samhæfingu

Með aldrinum verður sífellt mikilvægara að viðhalda góðu jafnvægi og hreyfanleika.

Í línudansi er stöðugt verið að færa þyngdina á milli fóta, snúa sér, breyta um stefnu og samhæfa hreyfingar við takt tónlistarinnar. Þetta hjálpar til við að viðhalda jafnvægi, samhæfingu og öryggi í daglegum hreyfingum.

Margir þátttakendur finna fyrir auknu öryggi eftir að hafa stundað línudans um tíma.

Frábær þjálfun fyrir heilann

Það sem gerir línudans sérstaklega áhugaverðan er að hann þjálfar ekki aðeins líkamann heldur einnig heilann.

Þegar þú lærir nýja dansa þarftu að muna röð sporanna, fylgja tónlistinni, samhæfa hreyfingar og bregðast við breytingum í dansinum. Þetta virkjar mörg svæði heilans samtímis.

Rannsóknir hafa bent til þess að regluleg dansiðkun geti stuðlað að betri heilaheilsu og hjálpað til við að viðhalda vitrænni getu á efri árum.
heimild

Það er því ekki skrýtið að margir sem stunda línudans upplifi að þeir séu ekki aðeins að bæta líkamlega heilsu sína heldur einnig halda huganum virkum og skörpum.

Félagslegi þátturinn skiptir miklu máli

Eftir fimmtugt breytast oft félagslegar aðstæður fólks. Börnin flytja að heiman, vinnan breytist eða fólk fer að nálgast starfslok.

Þá verður enn mikilvægara að eiga áhugamál sem fela í sér samskipti við annað fólk.

Línudanssamfélagið er þekkt fyrir að vera opið, vingjarnlegt og skemmtilegt. Þar eignast fólk nýja vini og verður hluti af skemmtilegum hópi sem hittist reglulega.

Fyrir marga verður félagsskapurinn jafn mikilvægur og dansinn sjálfur.

Á hverju hausti er haldin skemmtileg hátíð; Iceland Line Dance Festival þar sem línudansarar koma saman heila helgi til að dansa saman, læra nýja dansa og kynnast skemmtilegu fólki.
Einnig má nefna Félag Íslenskra línudansara sem heldur æfingar og stendur fyrir skemmilegum viðburðum.

Þú þarft ekki dansfélaga

Margir halda að þeir þurfi dansfélaga til að geta byrjað að dansa.

Í línudansi er það alls ekki nauðsynlegt.

Þú getur mætt einn eða komið með vini, vinkonu, maka eða einhverjum úr fjölskyldunni. Allir dansa saman og því er auðvelt að byrja, jafnvel þótt enginn annar í þínum vinahópi hafi áhuga á að koma með.

Þetta er ein af ástæðunum fyrir því að svo margir velja línudans fram yfir aðrar dansgreinar.

Það er aldrei of seint að byrja

„Eitt af því skemmtilegasta við að kenna línudans er að sjá fólk uppgötva nýtt áhugamál á fullorðinsárum. Á rúmlega þremur áratugum sem línudanskennari hef ég séð ótal dæmi um fólk sem hefur byrjað eftir fimmtugt og fundið bæði nýtt áhugamál og nýjan vinahóp. Margir segja að línudansinn hafi breytt miklu fyrir líðan þeirra og lífsgæði.“ segir Jóhann Örn Ólafsson danskennari

Margir sem mæta í fyrsta skiptið segja síðar:

„Ég hefði átt að byrja fyrir löngu síðan.“

Sannleikurinn er hins vegar sá að besti tíminn til að byrja er einfaldlega núna.

Þú þarft hvorki fyrri reynslu né sérstaka hæfileika. Þú þarft ekki einu sinni að vera í toppformi. Þú þarft aðeins að mæta og gefa þessu tækifæri. Byrjunin er að skrá sig á námskeið fyrir byrjendur.

Leiðbeiningar um línudans fyrir byrjendur má finna hér:
https://www.linudans.is/linudans-fyrir-byrjendur-leidarvisir-fyrir-alla-sem-langar-ad-profa-linudans/

Línudans með Jóa

Jóhann Örn Ólafsson hefur kennt línudans á Íslandi í yfir 30 ár og hjálpað þúsundum Íslendinga að stíga sín fyrstu spor á dansgólfinu.

Margir þeirra sem byrja í dag eru fimmtugir, sextugir eða eldri og uppgötva fljótt að línudans er miklu meira en bara dans. Hann er hreyfing, heilaþjálfun, félagslíf og gleði – allt í einum pakka.

Ef þú hefur verið að hugsa um að prófa eitthvað nýtt gæti línudans verið ein besta ákvörðun sem þú tekur fyrir bæði líkama og huga.

Það er aldrei of seint að byrja.